新羅寶-正宗嗎

七年八年……身為韓飯，除左韓星，對韓國菜不免有興趣

聽朋友講新羅寶既韓食幾正宗

不過一直以為佢係高價精緻菜，負擔唔起，因此一直冇嘗試

點知發現佢個午餐Menu原來幾實惠，不得不試啦XD

一星期七日都有Lunch set

仲要每日都有三款唔同選擇:^)

前菜

以自助任食形式供應，可惜refill太慢，經常供不應求，遲d去就全部都冇哂

沙律蔬菜爽脆新鮮，只有少許調味，酸辣清新

南瓜粥微甜不膩，綿密幼滑

糖炒芋頭／蕃薯帶點焦香，糖只裹在外層，有點脆度，芋頭似乎起沙了，蕃薯亦是軟心

烤肉套餐

前菜中豆角最出色，帶蒜香芝麻香

海帶湯鹹香得黎清爽，唔會感覺太勁味精

烤肉有雞肉牛肉，份量一般，肉味不重，但偏甜，似乎醃得過份 

白飯稍黏，帶米香微甘

牛肉拌飯

前菜中豆芽不錯，爽脆清新以及充滿麻油香味

牛肉湯重胡椒味，肉味不濃，還恐怕有點太油了

牛肉拌飯所用醬汁同平時燒汁相似，甜味重微鹹

不過個賣相有點不討喜，醬汁黏滑而透明……

牛肉多，味道偏甜，牛味不重

飯有點黏，份量真係好多

雜錦拌飯

牛肉碎偏乾，甜味，份量剛好

有幾款伴菜，清甜新鮮，正好解解膩

煎蛋冇咩特別，似乎熟了點，但未夠焦香

整體黎講，我覺得正宗就唔算既

只係味道同用料都ok，份量多，性價比都幾高既:^)

Mrs Fields-莓果鬆

Blueberry Muffin
莓果鬆餅真係田園太太強項:o)
入面保持濕潤
加埋有莓果有少少果醬同水份
同外皮既鬆脆幾大對比

Cranberry Muffin
莓果太太XD
果香好重，足料既程度係每口都有果醬同果肉
鬆餅本身係幾甜，但莓係偏酸，夾埋就唔會過甜過膩

味千拉麵-轉食飯

泡菜豬肉炒飯

飯粒分明，但見油膩，似乎都係炒完先倒落去，冇飯焦

泡菜酸辣味香濃，飯粒沾醬撈到好均勻，唔會太辣

豬肉入味不韌，味道還可

蛋煎得香口脆底，蛋黃半熟不錯

野菌牛肉炒飯

個賣相hea左d喎……

睇個樣都知係炒好倒入去架啦

牛肉粒唔多，偏瘦，菇菌都唔太多

炒得香口，粒粒分明，同埋呢個冇泡菜果款咁油

Cova-忌廉山

一直都好想試Cova

網上既食評同相片，加上行街經過時一督……

揀尖沙咀分店，因為環境幾開揚，少人經過，又唔使過海

蕃茄汁

酸酸甜甜，清新得黎開胃，正好為自助餐打響頭炮

感覺到佢既果蓉，真材實料

我個人中意Pizza多D

薄批底薄得均勻，脆口焦香冇出水

同埋上面有幾多料，味道不錯

牛角包夠酥脆，不油膩

新鮮整起既三文治都好食

有兩款味揀

蕃茄芝士三文治用料新鮮同埋賣相不錯

少少暖，芝士半溶好吸引

其他包款我就覺得麻麻

藍莓芝士蛋糕

有果醬同藍莓，酸甜清新，中和芝士心既膩感

芝士部分軟滑細緻，充滿香氣，偏甜

餅底不會太濕稔油膩或乾燥鬆散，甜度適中

Mango Dome

外型賣相滿分

但太多cream我吃不消，又整唔走

外層蛋糕屑顆粒細，有濕軟綿密感

芒果粒多，幾清甜

蛋糕層較乾身，係普通海綿蛋糕

栗子蛋糕

栗子蓉不算多，但清甜細密

可惜太多cream，好膩

芒果cheese cake

芒果大大塊呢下已經加左分

雖然係果肉間既坑唧左cream，但可以整走就算了

芝士部分加左芒果，更帶清香，解膩

餅底同藍莓既差無幾

曲奇

甜，硬身，有少少果醬酸酸地冇咁劑

蘋果卷

凍哂

酥皮轉濕稔，餡料結塊但冇咩甜味又冇咩蘋果味又冇咩玉桂味，真係唔知食緊咩

加左少少雲尼拿醬（變左custard咁

雲尼拿味濃，醬夠甜，調得番個味

綠茶mousse

茶味香濃但太甜了點，氣泡算細滑

泡芙

香而不油，軟稔而不濕漉，外面有少少淋醬增加甜度

冬甩

油左d，同埋凍左冇咁鬆化

金寶撻

味道微酸開胃，金寶碎粒大，但不影響滿意度

磅蛋糕

味道質感出面美心差唔多

黑森林

多cream:^(

我個人中意偏苦，因此此道對我黎講太甜了

不過我中意佢cream係朱古力味，更配合整體，唔似得出面一般係普通白cream又淡又膩

蛋卷

小卷但多cream

味道同黑森林choco部分相似

生果撻

中間係吉士，加上味道清新既生果，好匹配

撻底硬脆，偏甜，不錯，可惜冇refill到

栗子撻

栗子蓉甜而不膩，撻底同生果撻冇大分別

Tiramisu撻

我中意呢個撻，質感上有對比效果，唔係好似平時一味得軟稔兩個字

火腿芝士批

因為佢係Heat住，芝士半溶好正！加埋火腿好家常但真係夾

酥皮都係軟架啦，但佢冇出水都尚可

講到服務，地方大，唔係好睇得哂，不過都幾helpful

refill好勤，平時會執野，加水同埋擺放食物

結論係試過就夠，咩都要試下，但未必會再試，因為太多cream，同埋價錢考慮:^)

香辣屋-精緻美

輕鬆假日與母親吃喝遊樂

Again and again and again and again…

甫踏入餐廳，田園鄉村既設計令人眼前一亮

另外，人客不多，至少耳根清淨先

加上座位餐桌空間闊落

整個用餐環境因而更理想，大概讓餐廳內各人都能更感舒適放鬆

提起服務，staff都好considerate，會建議客人點餐量，對菜式都有認識

椰汁雞湯

香濃椰汁帶雞油香味，唔會過油

好足料，湯連雞肉蔬菜粉絲齊上

不過都幾辣，怕辣既話就……

冬薩公湯

酸辣開胃，而且飲完唔會覺得好多味精好口乾

另有點點魚露既鮮味

大蝦味道鮮甜可口，湯入面有更多其他湯料

豬頸肉

賣相不俗，燒得邊邊金黃微焦

肉質嫩滑有嚼勁，帶焦香，而且邊位係脆身

不油膩，有淡淡甜味，點下微辣醬汁更醒胃

蠔仔蛋

蛋炒完都唔覺太油，蛋香味濃

炒既鑊氣夠猛，蠔仔亦冇腥味

加上芽菜爽脆，同蛋既軟稔口感作對比，相得益彰

米紙卷

主要包左蔬菜，新鮮爽脆

沾汁後清新酸甜，味道更佳

咖哩牛筋牛腩

咖哩濃稠香辣，牛筋牛腩佔量多

牛筋夠稔，易嚼易吞

牛腩入味，牛味濃郁，肉質鬆化

酸甜魚柳

呢道菜係散叫既

一上枱個份量令我地呆哂

因為本身以為呢餐會貴夾唔飽，加上個人喜好，先加點菜式

點知「魚柳」原來唔只係「魚柳」，係全魚上桌

尤如中菜既松子魚般，只是製作精緻度未及中菜版要狀如松鼠，而係起片炸

魚柳新鮮嫩滑，大塊大塊連魚皮（起鱗），裹粉薄，因此唔會好似食緊炸粉團咁

外層炸得鬆脆，緊緊黏附酸甜醬汁，美味可口

魚柳上既九層塔可以幫手清清味蕾

酸甜醬汁稀稠適中，加上蔬菜，如菠蘿粒，更開胃誘人

全魚上除左有裝飾好處，仲可以俾到顧客新鮮、足料及用心既感覺，而我地都感受到了

白飯

飯粒分明，有淡淡飯香

用酸甜汁撈用咖哩汁撈各適其適，都係好好食（我食埋呀媽果碗XDDD

椰汁西米糕

質感似用左大菜，好爽

椰汁味唔太濃，不過清甜，晶瑩剔透，西米亦多

柚子蜜

青檸梳打

太酸，有點飲不下去

Izumi-質定量

上堂落堂……

搞搞下都下午茶三點三

咩都唔講，食左野先

奄烈蛋飯

下午茶份量小，價錢平d

奄烈充滿蛋汁，嫩滑之餘蛋香濃郁

咖哩稠度夠，微辣，正合我意

竟然有沙律伴碟，仲要唔馬虎

有蕃茄有菜有粟米，澆上千島醬，甚能不滿意

炸雞

另外加錢點既炸雞

不太新鮮，雞皮軟稔，開始出油既感覺

而且雞肉唔入味，仲有少少雪藏味

蘋果綠

算幾大杯

不過忘了走冰/__>\（此人不愛凍飲

Coco-脂肪粒

成日聽人食Coco、Coco……

覺得唔抵所以一直唔試

最後成為附近真係冇咩想食既last chance

講真……今次食左差唔多一舊水，但我真係第一次自己去食野食到想喊

沙律

芝麻醬香而不膩

牛肉咖哩

一望……算啦我都冇期望過

咖哩香濃，好彩冇想像中咁甜

但牛肉……算係牛肉既……如Menu附圖只有四五「粒」

但重點係……佢每粒都差唔多有一半係脂肪，有一粒甚至只係脂肪，連肉絲都冇黏著……

當時一見到心情已經欠佳……

蛋既賣相還可以，算係有蛋汁，但整體都係老左d

蘋果批

望穿秋水

0期望

見到賣相……WTF?

雪糕個樣係咩事，點解連雪糕都可以係呢個賣相

Main Point係蘋果批全黑

唉

食

蘋果批味道清新，雖然份量極小，但用足蘋果果肉作餡料呢點加分

雪糕甜而不膩，唔係人工藥水味，不過太凍太硬

除左脂肪咖哩外，staff愛理不理既態度令我更down

我好少會對staff發脾氣，今次亦不例外

不過呢次既體驗我不敢恭唯，更開始質疑直至現今仍然盛讚Coco既朋友既口味……

The Landmark Mandarin Oriental-MO Bar-大清早

話說一直想試MO Bar

但多番訂下午茶都失敗而回

好啦算啦！我下定決心點都要試下架啦XDDDD

所以……朝早……早餐應該唔會full到咁掛？

點知早早去到，得知原來連早餐都滿場

幸好職員指係要視乎情況再限時交枱

冇所謂啦反正都係試下姐，如果覺得好咪再訪囉:^)

環境都算闊落，中意佢係有梳化坐有Cushion

小茶几面積不大，剛好我一個人用就足夠有餘

煙三文魚有唔同選擇:^0

平時見開既普通版鹹香不膩，油脂豐腴卻不黏笠

肉質爽口不多筋，魚油香豐富，吃後齒頰留香

特別版就用左香草芝士，佢係好似一般見半熟吞拿魚既黑椒圍邊咁

香草香氣濃烈，配上芝士濃郁奶香，層次多又唔會有膩感

呢個版本既切法唔同，頗為厚身，更是有了點嚼勁

煙魚凍肉都仲有好多款

感覺唔會好肥膩，係以瘦肉為主

但係帶點濕潤度，唔會乾柴都難以入口:^)

Egg Benedict係呢度竟然變成係buffet item

可以任拎任食，何等美好？XD

重點係佢放入類似蒸爐，保溫卻不會抽乾水分

面頭既荷蘭汁重牛油香，微微酸味令佢唔會過膩

如相中所見，佢係keep warm但都仲有滿滿蛋汁流瀉

蛋香非常濃郁，微稠的蛋汁沾上其他配料

一口咬下，滿口都是細滑香濃既蛋汁作主導

煎香腸外皮焦香，不會過分油膩

肉味香得黎調味適中，唔會話太鹹太heavy

唧d茄汁酸酸甜甜一齊食就更加解膩了！

叉燒包算是合格

包既部分香甜鬆軟，可惜是太過濕潤了

叉燒餡不多，但調味可以，唔會過甜

叉燒肥既部分多，油香重，同時都可能有膩感

叉燒酥甚是可口，外皮香酥薄脆，灑上芝麻再添香氣

叉燒餡調味得宜，脂肪唔算太多

整體感覺唔會好油，係有油香但不算膩

炒飯粒粒分明，香氣吸引

食落飯粒帶蛋香，加上佢用料真心好足，睇相已知

蝦仁彈牙味美，有少少叉燒碎添香

但我最中意都係個飯底，而且佢係有點水分好易入口但又唔濕爛（Y）

Cereal有多款選擇，連用黎沖既奶類都有得揀

Muffin外層乾身厚身，味道較濃甜，仲有烤過既微焦香

中間既部分帶點濕潤，食落香口不膩

個人中意藍莓味，甜中帶酸，有果香

感覺不膩，而且唔會覺得好heavy同埋只是死甜

酥餅香脆可口，底部亦都唔會濕透又唔會滲哂油

一層層薄身而酥香，配上唔同既餡料各有特色

大部分用上吉士，幼滑濃郁，只係佢用量不多，因此冇咩甜膩感

飲品就可以order了

好多款揀都係唔使另加費既

先前想飲豆奶但佢出面沖cereal果d係凍甜既

所以問一問有冇熱既原味既

佢地都會盡量customize去照顧客人需要:^)（Y）

草草食完就要交枱走人了

為左Egg Benedict，我是一定會再回來的:^)

希望下次可以慢慢食唔使趕住走啦

新曼谷-慢了點

泰菜一向係身邊親友既共同愛好

中意佢酸、甜同辣既味道，開胃清新

每當食劑左，總會想下餐食下泰菜解解膩

我中意周圍去，用雙腿遊香港（當然過海就唔得啦）

經過新曼谷位於灣仔既分店無數次

次次都見到出面兩個泰國人偶擺設，覺得好得意，想一嚐滋味

終於，一日假期就實現左呢個想法

香芒牛柳粒

牛柳粒唔多筋，加上切成小粒，容易入口，毫不狼狽

牛味都合格，冇雪藏味，肉質軟硬適中，全熟但唔會太老太鞋

芒果好清甜，加上其他蔬菜同腰果，香而不膩，色彩繽紛吸引

酸甜魚

廚師並非只炸好魚塊，仲炸埋起完既帶肉魚骨

魚塊亦帶有少少魚皮

令人感覺佢落足料，係原條起肉唔係買魚柳整既

魚肉有鮮味唔會好腥

全熟之餘夠滑夠脆，好香口

炸好既魚身除左骨仲有少少肉，都係唔會腥

（諗起以前食過松子魚但佢d肉未熟透好腥有血水我就……）

醬汁酸甜醒胃而不人工，唔會乸口有怪味

配上椒粒，就算食炸魚都唔覺膩

蠔仔蛋

呢個就唔太推介

本身見到佢用鐵板上仲有sizzling好期待

但用料既味道不太吸引

同埋感覺上太油膩，食完個底仲一層油，稍令人卻步

服務方面，其實大家都好友善

我同呀媽本身糾結完係嗌左沙律既，但俾隔離枱既鐵板蛋上桌成品吸引到，而佢地都俾我地轉點

不過如果趕既話就建議閣下另覓餐館，因為人手似乎太不足，等候時間耐左d（個蛋我地等左差唔多一個鐘