2013年12月31日星期二

大阪王將-油餃子

Late lunch唔知食咩好
去到家樂坊果頭,18Grams……唔想食all day breakfast,Spade……唔想空肚食甜品
大阪王將好似幾好,一個餐有飯有餃子,試下啦(成日係food court見有都未食過)


蒜片牛肉手鍋餐

味噌汁、餃子、蒜片牛肉白飯

味噌汁冇咩特別,偏濃味

餃子六隻,外面金黃焦香,但真係好油
內餡不少不過食完有d劑膩
有辣油、柚子汁加上醬油揀黎點,個人中意柚子汁,微酸甜算係清番少少
牛肉粒唔會太韌,容易咀嚼
蒜片仲係好辣好濃味,較生
醬汁因蔬菜既分份而變得稀薄,不過用黎撈飯不錯

白飯還好,算係有咬口唔會太濕爛


2013年12月26日星期四

糖宮-揀唔到

食完晚餐後,無論幾飽都想來點甜的!
因為家在九龍,出沒於港九,新界真係唔多熟
原來大圍有好多甜品舖(moon)
一行人韓燒完就去左食糖宮



綠豆沙加芝麻湯圓
綠豆沙好清甜,唔重臭草味,好易入口
同埋望到食到都好足料,唔係淨飲水,而係每口都好多綠豆既豆皮連少許豆蓉
本身以為芝麻湯圓係成日見到好hea果隻白皮,點知佢係芝麻皮(Y)

焦糖燉蛋
佢呢邊係凍食做法
面頭既焦糖薄而均勻,焦香十足之餘無苦味
其實我覺得唔算好甜,燉蛋都算較清既味道
唔會過於油膩,忌廉香蛋香一般

香蕉船
唔知點講佢XD
香蕉比較生,所以味道唔多吸引


香蕉心太軟
重點來了!
佢地話呢款甜品有朋友讚到天上有地下無咁,話必試喎:^0,嗌左兩份
脫模脫得好,至少冇穿冇爛先,加上佢外層唔會剝落咁一忽忽
講明先,佢外皮又唔係太油,姐係佢脫模係靠手工唔係靠油去潤滑
外皮軟綿不爛,確保流心可以安全保持係蛋糕體內
聞落去唔錯,食下先啦
香蕉流心味香,濃郁不膩,人工味唔重……係唔重,但唔係冇
佢落得唔算多香精所以唔會好似香蕉糕既味咁假,感覺較溫和
對於我呢個咁中意香蕉既人……我只可以說:「還好。」
佢冇令我驚艷既外表及味道,不過人工香精既味掩飾得好,可見佢係比例上好用心調過
我都係中意香蕉麵包香蕉蛋糕既天然味道,這個……試過就好:^)


蘋果金寶
先講金寶一層,奶香濃郁,細緻酥脆
焗得金黃焦香,外表不錯
內餡酸甜清新,包含不少果肉,稀稠適中
可憎稍欠肉桂香味;^(
不過又係既,只提我識既都好多人唔中意肉桂味,佢無謂落重手倒自己米
另提,好中意新鮮烤焗熱住上,起碼食落唔會過硬,同埋香氣會更濃更誘人
雖然呢個蘋果金寶唔係我最中意既偏硬感覺,但我個人認為佢已經做得幾出色

飲飽食醉……係時候plan下去試沿路其他甜品店XDDDD(瞧!這吃貨:^|……

2013年12月25日星期三

泰豊廔-片皮鴨

聖誕節正日,之前已經reserve定片皮鴨lunch
咩都唔使諗,淨係去食XDDD
以前都試過幾間北京菜,例如北京樓、美利堅
今次決定試下未去過既食肆


入到去,環境冇咩好講,舊式既就預左擺設用具都殘舊d架啦
連枱布都用到薄哂起毛粒
不過我呢個潔癖友又唔會點反感,清潔程度還好:^)

好啦,結果又係我發板
但講真完全唔識分大中小既份量
上網睇d人話小既好似同我地點既中又差唔多:^|


糖醋魚塊(中)
因為我自己想食姐XDDD
食落去炸皮好酥脆,魚塊夠白滑而不鬆散,有鮮味冇雪味
最好係冇骨(此人太懶:^|
酸甜味夠,不過濃,冇咩人工味亦不嗆
每塊魚塊都質量相約,加上唔會黏著
但份量……
其實我唔知佢同小會相差幾多,上網睇相好似人地嗌小都係咁上下
不過幾好食就算啦XDDD


西檸雞(小)
又係我偏愛XD
可惜呢碟我真係唔識點講佢
係完全食唔到有雞……其實佢係咪用素雞=___>=
炸皮係偏硬脆既
但一食落去,真係唔知入面係咩,感覺係似粟粉糊,有少少黏性同軟糯感
汁好清,唔會好似出面既螢光黃,係透明偏黃既,用番檸檬汁整,天然清新
有冇人食過呢味……可唔可以解答下我=___>=?
因為佢好多件都係咁,我地冇人食到佢既真身=口=


紅燒豆腐
豆腐外層夠硬實,好方便可以用筷子輕力夾就落到碗
不過入面仲保持到滑嫩即化
醬汁睇落好深色但唔會太重味,整體感覺算清清地


砂鍋津白
雖然望落有d油,但食落係清爽鮮甜
味道足而濃厚,唔同食材既原味混合得出有好多層既味道
落好足料,唔係咩上等貴價食材,不過質素唔錯


家常蔥油餅
蔥味香而不嗆
餅身係糯米粘米既濕軟微黏,外脆帶焦香
不過好易會劑,屋企人就係食完佢地已經覺得劑XDDDD
我都食左兩塊就放棄(仲要留位清片皮鴨同其他菜式XD)


片皮鴨
皮脆不油
我自己係好憎油同脂肪既,應該係話食唔落口,曾經試過但一入口就難以吞嚥
不過呢個片皮鴨我真係覺得係暫時食過最好
睇到油脂但又食唔到油膩感覺,只會覺得充滿油香
由於之前既蔥油餅,大家都有點兒飽劑,最後我都係好開心咁包底XDDD
佢既餅皮似乎係自己整,薄得黎唔易爛,可以延展:^0
另外佢好重麵粉香味,表面撲既粉唔多但唔黏手,又唔會成口漿住
加埋其他配料包好點醬,我都唔知食左幾多舊啦XD


高力豆沙
最後佢送左甜品
外表乾身不油膩,篩上砂糖,睇到都吸引d
豆沙餡有少許紅豆豆皮,清甜不膩,食落去算係幾細滑
蛋白部分唔會過老過鞋,仲感受到蛋白泡泡既綿密

講下佢地既服務啦……
本身上網睇同聽朋友講話都唔係咁好,經常催促愛理不理語氣欠佳……
我都預左老牌同出名既餐館可能係咁架啦
因此我地去到都盡量保持平和d(可能淨係我需要XD)
不過講真我唔覺佢地有咩問題,可能午膳時間少人d唔使趕枱
佢地其實幾隨和同埋會pay attention,客人有咩合理要求都會儘快回應
晚市多人,忙碌d或者就冇咁多時間人手即刻應答




2013年12月22日星期日

Outback-肥仔餐

同個朋友約好去食pre-聖誕大餐XDDD(雖然之後都有再開Party

沙律
好多沙律醬,完全不健康(但我最愛……(喂
菜尚算新鮮,不過已經開始稔

餐湯
濃、稠、膩

黑糖包
清甜不膩,帶點麥香
最後我放凍左先食,卻依然鬆軟可口

豬肋骨
醬汁均勻地緊附在節節分明既豬肋骨上,酸甜開胃
刀叉準備就緒,手腕還未使上力,刀下軟稔的豬肋肉自動分開,尤如摩西分紅海
根本唔需要用到刀去切佢,一叉即離,輕而易舉
唔好以為係D肉太霉,雖然醬汁濃味,但我地仍然食到有豬肉肉味,毫無異味

蟹肉魚排
魚排煎得焦香,肉質軟稔,無腥味
加上清甜蟹肉,整體味道幾清
但可能我食開好濃味,味道太清反而唔慣,仲唔係太有胃口

Brownie
邪惡Brownie上有雪糕球、朱古力漿及Cream
本身我唔中意Cream,中意就俾朋友(愛Cream者)消滅
雪糕味道不膩,而且入面冇冰脆,溫度合宜,食落唔會牙齒酸軟
Brownie外乾脆內濕潤,同朱古力漿都係苦甜交雜不膩劑
整體份量好大,或因兩款甜品一齊影,睇落好少,但實物大於半個主菜
食一個抵出面甜品舖兩至三份

Cookie
好神奇,曲奇竟然係裝係個碟入面仲要加雪糕右朱古力漿
曲奇自身係似田園太太既軟曲奇,果仁朱古力十分足料,真係每一口都有好多
雪糕清香,雖甜但不膩
加上苦甜朱古力漿,我地兩個甜味愛好者(食田園太太都唔覺甜既人士)不約而同叫好

2013年12月18日星期三

燒肉牛蔵-趕住燒

Lunch冇咩打算
搭車去尖沙咀之後流連一輪,邊行邊打算
諗起之前經過燒肉牛蔵見到午市有燒三式肉既優惠,趁未係放飯peak hour就衝上去食

入到餐廳,睇過menu,諗過度過
好多菜式都有優惠,腦海閃過豬軟骨飯、三式燒肉、厚燒牛舌……
燒肉店唔燒肉又好似有d無謂
又唔想燒三式肉(牛、雞及豬)中既豬肉(好麻煩又要全熟,同埋我又唔係好中意食豬肉)


好!定案!
「唔該我想要牛小排套餐:^)。」

這就是我。
通常最後既決定係冇列入考慮list既項目XDDD

牛小排套餐

一直上菜都好快手,前菜、魚生、味噌汁……
魚生其實普通,我覺得三文魚唔錯,油花白間均勻,食落新鮮富油香

一切相安無事……直至睇到牛小排,我不禁有點中伏既感覺……
一夾起,雪到兩塊少少痴埋:^|
……唉!唔驚!事到如今……物不可貌相,要試過先知

我將那一片輕薄如紙張,硬繃如木板既牛小排拋到燒網上
它靜靜地躺在熱床上……一秒、兩秒、三秒,才開始發生呼叫

終於到左品嚐既一刻,試左原味--最純淨最自然既牛味先
肉香味濃,油脂肉汁輕輕流躺於舌尖,可惜點點美味轉眼消逝
牛小排既肉質尚算細膩,但我……都係去番牛角算了




















飯後甜品係極小球既芝麻雪糕
算啦!為健康,食少d糖啦!

2013年12月15日星期日

Grassroots Pantry-無麩質

Chocolate Cake
份量似乎比店內用餐小,也沒辦法,實店實在太遠了:^(
難得係鰂魚涌就食到西環豆苗居既出品
同以前食過既cupcake質感一樣,既濕潤又不油
朱古力香味重,忌廉細滑不膩
同埋佢係gluten free:^)

2013年12月14日星期六

Gloucester Luk Kwok-Le Menu-不為熱


刺身
八爪魚水分多,幾鮮甜
三文魚脂肪分佈平均,油香重,冇腥味
兩款都幾好,同埋有師傅即場切,衛生設備措施做足,食得安心

螺肉豆腐
螺肉甜辣味重,嫩滑豆腐豆香清新,兩者互補唔會太濃味

牛肉沙律
牛肉切條容易進食
加上酸甜醬汁同蔬菜絲,唔會膩劑

海鮮沙律
魚塊青口用料算新鮮,冇腥味,醬汁解劑

粟米沙律
有脆口蟹籽
粟米清甜,沙律醬微酸,開胃吸引

果汁
自助任斟

金菇牛肉
醬汁味濃,微甜
牛肉唔算太肥膩,加上金菇夠稔,整體配合得好

串燒
唔夠熱,沙嗲夠濃稠,但味道深度不足,只有表面一層香氣,倒有點膩

蒜香骨
炸得夠脆,蒜香重,可惜肉質太老太硬,稍為難咬

餃子
皮太乾硬,只有肉餡可觀

麵包布甸
甜而不膩,蛋香濃之餘見嫩滑
加上雲尼拿汁,冇人工味,更添清香

木槺布甸
餅碎磨得細緻
忌廉打得剛好,氣泡細緻,香滑

藍莓芝士蛋糕
硬實,芝士味香濃,可惜藍莓醬唔夠,食落膩左d

焦糖燉蛋
焦糖燒得金黃焦脆,賣相味道滿意
燉蛋部分細滑,香甜不膩

哈根雪糕
幾款口味任食

磅蛋糕
乾身,偏甜,易飽劑

Tiramisu
酒香濃郁,有忌廉香但唔會覺得膩

石板街
棉花糖果仁朱古力既結合一向無敵
朱古力微苦,加上棉花糖果仁既質感對比,完全冇膩冇劑既感覺

紅豆mousse
mousse有紅豆粒,感覺清甜
配上芒果更解膩
餅底不鬆散不硬板,亦不覺油膩

朱古力蛋糕
忌廉部分稍膩,蛋糕體味道一般,可忽略

2013年12月11日星期三

Factory99-一餐姐


餐湯
個人認為中湯比西湯好飲
兩款都算足料,中湯較清而西湯卻太重罐頭湯味


牛扒配薯條 $7x
上桌時見到塊扒都有點驚訝
唔係因為覺得食唔哂,只係好少係出面普通餐廳見到咁大塊
肉質偏老偏鞋,亦多筋難嚼
醬汁夠味,稠度適中,因此嚼多兩口都唔會驚冇哂味
薯條好多,某部分浸入汁淋左,正合我意
我個人認為瓜菜太少,多d可以解膩

三文魚天使麵
三文魚乏味,還帶少少腥(本人為三文魚迷,但呢碟真係……
天使麵醬汁似乎不太充足,不過麵條算煮得正常,唔會過爛

環境比較擠逼,因為午膳時間附近多白領一堆堆黎食,差d就冇位

服務態度一般啦,係咁多人turnover rate咁高既lunch time算係咁架啦:^)

2013年11月30日星期六

Wired Cafe-和洋食





一直都想試呢間Wired Cafe
因為佢d沙律醬好吸引我XDDD(不得不認個原因係好怪
糾結好耐都係入座了:^)

沖繩Taco飯 (TST)

被菜包圍既飯:^0  好多沙律醬同埋芝士碎(似係車打芝士
蔬菜幾新鮮爽脆,因為本身好淡,加左酸甜既沙律醬同埋鹹香既芝士碎就幾夠味
太陽蛋既蛋黃幾乎係生既,有蛋汁溢出,而蛋白仍然保持嫩滑
把太陽蛋翻轉,又是一道風景,微焦的蛋白呈現金黃色,與橙黃蛋黃呼應,有如夕陽餘暉
至於Taco,一早已與肉醬混合,內藏其中
蛋下面就係肉醬Taco同飯底
Taco因為收左係飯面仲要加埋肉醬,蒸氣水份影響下好軟身,有d痴牙:^|
肉醬幾好食,蕃茄味濃又多肉碎,仲要稠度適中,啱哂用黎拌飯
個人認為飯底太淋身,佢仲係粒狀固體但食落似爛飯,太多水了/__>\

特色牛肉蓋飯 (CWB)

一貫地多菜
不過今次既蛋係溫泉蛋咁,蛋白比豆腐更水嫩
落日一下子沉沒在口中,然後不經意地裂開……
牛肉係片狀,但比吉野家果d厚,同埋更有牛肉香味
醬汁似乎有芥末(因為我唔食=__>=
呢個飯係銅鑼灣分店食既,飯底粒粒分明,有少少黏性及彈性,係接近我中意既乾爽狀

芝士咖哩漢堡飯 (TST)

一鍋上桌,待應兄台(?)有提醒小心熱,手把都有個套防止直接接觸燙傷(Y)
其實一望見到佢真係好細份,心一沉XDDD(大食吃貨的悲鳴!?)
有沙律醬(拍手)仲有好厚既一層芝士(應該係Mozzarella
成一兩厘米厚既芝士多到可以牽絲繞幾圈(Y),仲要都幾香
中間又係溫泉蛋啦HI//
漢堡扒都好厚又多汁,同埋幾大塊,調味得宜好開胃
咖哩香但唔會好辣,份量剛剛好可以撈哂飯(每粒飯粒都可以沾上
可惜都係有果個問題……就係飯底=____>=

咖哩炸雞蛋包飯 (TST)

炸雞其實完全唔脆,不過如果忽視佢個皮,雞肉唔算太老太鞋……但唔入味……
咖哩都係幾好食既
蛋幾嫩,仲有些少蛋汁係面度
飯底今次突然幾正常,心諗……

明太子蛋包飯 (TST)

老實講我唔係好識食明太子呢樣野……淨係知佢幾爽口
有紫菜碎同類似魷魚絲(?)既香口配料
呢個蛋比炸雞果個更嫩更多蛋汁,個人比較中意呢種蛋包
因為我中意食濃味既野(重口味……),所以呢個飯對我黎講淡左少少
呢個飯既飯底都好正常,唔會太爛/過硬

甜品

上Facebook讚好其專頁「Wired Cafe Hong Kong」後,向staff出示就有
算係一口既少少糖份XDDD

我覺得銅鑼灣分店比尖沙咀分店優勝
本身個質素穩定d
環境開揚,空間係寬敞好多

餐牌選擇更多(有toastbox等甜品,尖得pancake果d)

Panash-吐司日

和為食友人的吐司行
當日已經吃下不少美食,我地仍然執著於吐司


吐司盒
比較細小,見過Panash吐司既同學們應該預計到大小,一面面積約手掌心大少少
雪糕不提
吐司粒好清甜,然而入面蜜糖不太夠,食硬脆外皮時較乏味

西多士
先切開長方塊狀,進食時省掉不少功夫(尤其像我這種不擅切割的朋友
西多好油膩,包身算綿密都好d既
雪糕再次不提
不過紅豆係起沙既,清新微甜,配綠茶雪糕剛好,為西多清膩

本來我地已經冇咩期望,因此亦都冇失望,只可說係當填下肚,塞住我地個為食口XDDD

2013年11月26日星期二

Berliner-炸豬手

我自己本身好中意食德國既豬手(水煮又好炸又好)同香腸
講左好耐話要食但一直冇實行XD

上網見到有Berliner主菜買一送一既優惠,就拿拿臨約朋友出黎食晚餐

Roasted Pork Knuckle with Mashed Potatoes and Sauerkraut $198
炸豬手一上真係香氣四溢
佢只係普通大小,因此兩個大胃吃貨好快已經可以食哂佢XD
侍應會先問過使唔使代切(?)不過我地好享受慢慢分解佢既過程,所以都係自己黎啦
「皮脆肉嫩」四個字講哂:^0!
炸左既豬皮完全唔油膩,仲要內層係好厚既膠原層,食落去夠熱仲要有D痴口,呢樣真係食豬手最正既地方!
豬手唔會好似出面賣既鹹豬手咁鹹,佢只係有少少既鹽味,唔會搞到越食越口渴
薯蓉幾香滑,就算食哂都唔會覺得好劑
酸菜上桌時都係熱既,加上佢只係微酸同埋切幼絲又夠淋,好易入口,令人胃口大開
因友人對豬手興趣缺缺,我一個人毫不費力地消滅左大部分既豬手XD(當然仲有薯蓉同酸菜


 Sausage Platter of Bratwurst, Regensburger, Nürnberger, Cheese Krainer with Roasted Potatoes and Sauerkraut $210
重點:新鮮自製
香腸拼盤有幾種燒香腸,高抄影出黎可能好似好少,因為佢係堆積如山咁好開心地一次過滿足n個願望!佢地係我同朋友兩個人既共同favourite

我呢個醬怪梗係即刻係咁落芥末醬啦xdddd
一次過總括講,唔分開種類啦:^)(何其懶
輕輕一咬,金黃焦脆的腸衣微微裂開,熱燙的肉汁迫不及待要佔領每一個味蕾
每條香腸都係好實肉,並非亂塞肥膏肥脂濫竽充數
不過講多無謂,自己親自去試先可以體驗到
焗薯角並非脆皮,不過帶有焦香味,食落冇咁飽劑



Berliner tête-à-tête‎ $87
食完主菜吃貨未飽哂,仲諗住點個三層甜品拼盤但費事夜晚食過飽
見佢呢個甜品標榜兩人份,我地諗……兩人=我地既單人,咁另外加多個就應該夠啦XDD
呢個甜品以朱古力蛋白同栗子蓉為主
朱古力蛋白其實得好少既朱古力味,主要係蛋香,同埋唔會好漏
栗子蓉或者有加到忌廉,所以比較軟身,有別於美心栗子撻果種厚實感
入口即溶冇粉狀感覺,栗子味香而整體清淡


Mixed Berries Crumble $62
太多選擇,對我倆重度選擇困難症患者是一項重大挑戰
輾轉之間(?),下決定的重擔竟落在我肩上
Crumble一把抓住了我搖擺不定的心……
我諗住如果係暖暖地既金寶都由佢啦……佢竟然係用熱pan上!!!!!!!!

雖然雪糕立馬溶化,但熱辣辣既金寶真係深得我倆歡心
雪糕都未講添,其實上述提及既甜品都配有雪糕
vanilla flavor
雲尼拿籽真係超多,連遠影都影得出啡黑色微粒

奶香同雲尼拿籽香均十分濃郁,味道仲夠哂自然

講番服務

因為當晚真係高朋滿座,所以有時食物等左好耐都未上(真係一個鐘都黎緊)
不過服務態度都唔錯,起碼和顏悅色,望到都感覺友善d

最後的最後
而家仲有優惠架,上openrice見到張優惠劵印左
落單果陣同佢講番,埋單交影印本就得了:^D

2013年11月22日星期五

Three on Canton-無主題

試既時候已經係好耐以前
呢個主題已早早更換,唔好話我n年先寫,我又唔係收左錢又唔係試食要推廣佢d野-___>
不過睇過佢地d主題下午茶既食物有d差唔多款依題再改
順便可以睇下佢地大概質素點
(自己俾錢去食講句公道話,自由講唔使專登寫好佢
所以還是Po一po吧:^|

下午茶時間
難得得閒,來個扮富貴三層架吧XD
唔係第一次去Three on Canton
亦知佢環境裝潢真係唔錯
先至決定黎試下個三層架

Sunflower and Almond themed Afternoon Tea Set
聽聞係由梵高畫作啟發既
我覺得幾有諗頭
雖然唔係同其他企業品牌合作,但有招徠同埋多選擇俾客人揀係唔錯既

鹹點
三文魚串燒
面頭果d唔係碎左既三文魚
係杏仁片
杏仁片脆薄清甜,加上三文魚既甘香微鹹,有種質感同味道上既對比
重點係個配搭唔會怪
可惜的是三文魚乾身左d,食落差減d

小漢堡
包既部分真係乾左d,硬實到放左好耐咁
但肉又另一回事,肉味濃仲有點肉汁好香口
希望日後用既麵包會有改善

炸蝦丸
蝦丸鮮味好濃
感覺係偏硬實既
炸得香脆,又冇滲油,點酸甜汁好解膩

蝦球
蝦球已挑腸,賣相好精緻
不過食落去真係冇咩特別囉-__>

甜點
Brownie
朱古力味非常濃郁
蛋糕體濕潤不油膩,感覺好dense

朱古力撻
撻皮香脆,厚薄適中,底部又唔會太厚硬難咬
朱古力味香濃帶微苦,餡細滑不膩

奶凍
算滑,帶清香,加上點點杏仁片又脆口
但似乎冇咩杏仁味:^|

Mousse
氣泡細緻,食落香濃嫩滑,入口即化

Scone
最後講
其實佢既scone幾鬆軟既
不過牛油味唔濃,中意感覺light d既人可能就啱d

呢個主題下午茶以主題黎講就真係冇咩特別吸引既地方
睇得出佢鹹點係差d架啦
甜點方面係ok既,但就突顯唔到個主題囉
環境服務方面合格既,特別係平日少人就舒服d靜d,又唔會嗌唔到人
如果我再去,可能只係諗下buffet啦


2013年11月12日星期二

李家-在酒吧

話說當晚同朋友已經早早趕去
點知都係冇位/___>
結果店方安排我地係附近既酒吧用餐:^)(都係同MENU送過去


甜辣炸雞

送到黎都仲係熱辣辣既(Y)
外皮仲係好似之前食咁香脆不油膩
肉質有點細嫩,亦存有微微肉汁及肉香
甜辣汁裹得夠緊,稠度適中不會過膠過黏:^)

海鮮煎餅

一上枱……我地都幾滿意個大小XDDDDD(大胃吃貨
足料,海鮮料夠彈牙有嚼勁,又唔係過韌
最緊要冇腥味同雪味:^)
點上醬油,附上點點蔥花,確實不錯
餅底係微黏,偏軟稔既,煎完帶焦香又唔過油膩
taste同texture既配搭幾合我地口味

2013年10月29日星期二

李家-甜和辣

聽朋友講李家炸雞好好食
但一直約唔到一齊去試
話說附近應該冇咩出名食韓式炸雞既食店,呢間真係獨市咁劑
成日見要排好耐隊又要限時食咁
聽人講食冇用既,今次真係一試便知龍與鳳:^)
約左一個好耐冇見既朋友,結果兩人放縱到XDDDDD

甜辣炸雞

炸雞真係好香脆,雖然連雞皮炸,但唔會感覺油膩
連我呢個唔食雞皮既人都忍唔住連皮食
雞肉好香,冇雪味,熟透哂好放心食
醬汁十分濃稠,食落甜甜辣辣好似炒年糕既醬
雞件沾上醬汁後,份外可口,真係食極都唔厭咁

醃蘿蔔
佢呢度既醃蘿蔔係偏酸
清新開胃,仲夠哂爽脆

蔬菜絲
都係好清爽好新鮮,可以解膩:^)

芝士海鮮年糕鍋

份量幾大架,上面既芝士厚厚一層,真係牽哂絲咁
芝士味香濃不膩,加上焗過既焦香味,正哂
海鮮佔量多,對比番貴價,算係值番D
烏冬彈牙不黏爛,年糕煙韌有嚼勁,配上辣醬當堂冇咁劑
不過我都係覺得多人食先好嗌,我地失哂算兩個人叫三個菜式,食完真係會好飽

魚糕湯

魚糕份量好多,唔係一大兜湯得幾片果種
湯既味道未見過濃,辣辣地好重椒味
食落唔會好油膩,又有魚糕既甜味同咬口,可以一試


當晚兩個人就咁解決左三個菜,真心超飽
李家既食物係貴價但份量夠大,同埋味道都不錯,性價比都可以接受
建議組隊去食李家XDDDD